咁都得(獎)??

近排因為自己個 solo project 既原故，所以勁聽周杰倫。本來都冇諗住特意要去分析他的「不能說的秘密」，但當我今日再一次聽呢首歌的時候，我突然好想跟住首歌個前奏一齊彈，因為實在太 catchy 了。所以我就坐了在個琴那裡，開始聽下、分析下，然後就跟住一齊彈起來。

呢首歌係第44屆金馬獎的最佳原創電影歌曲既得獎作品，係電影《不能說的 · 秘密》的主題曲「不能說的秘密」。 本來當我未去分析首歌既時候，我都冇乜覺得首歌有D咩特別之處。只係覺得「都只不過係他的另一首歌」，都幾好聽。但當我坐在個琴那裡開始彈既時候，我就開始驚訝起來! 令我驚訝既原因係因為原來呢首歌係超級簡單!! 整首歌既編曲，由開始至到結尾，都係非常之簡單!

由前奏開始，在前奏裡面，個琴係唔會同一時間玩多過三個音的!! (唔係啊話! 咁都得?? [驚訝一])
驚訝二：原來整首歌只係用左四個 chord!!! Well, 個副歌既某個位係有多兩個 chord 既，但係整體上，首歌只係建立於 G, Em, C, D, 呢四個 chord! 仲要同一個次序，同一個擺位。
驚訝三：整首歌既編曲，其實整首歌，都真係簡單、直接! 成首歌都係建基於那個前奏的 idea (motif) 來形成! 非常好!
驚訝四 (亦都係令到驚訝二同三出現的原因)：其實，有很多歌都係只是用幾個 chord 來形成，有很多歌都好簡單同直接。但係最令我覺得驚訝或出奇既就係點解會得獎呢?? 2007年裡面應該有唔少電影，而當中的原創電影歌曲都應該唔少同唔錯卦? 果D歌曲既音樂、編曲、樂器，都應該有D係比較複雜、比較多變化卦? 點解呢首歌會得獎呢?

其實，複雜同多變化就唔一定係代表好既 ，至少在流行曲裡面多數都唔係。複雜、難、同多變化，D人可能會覺得好勁，但係就未必一定係他們最喜歡聽的、最流行的。咁耐以黎，最 hit、最深刻、最受歡迎的歌曲，大多數都係一D簡單既歌。至緊要就係D人鍾意，D人覺得好聽。所以我諗，「不能說的秘密」得獎的原因都係因為有好多人認為好聽，非常受歡迎。 (又或者因為是周杰倫啦~ 哈哈哈!)

既然好聽唔好聽係一個主觀的問題，唔知你又會唔會覺得呢首歌好聽呢?

周杰倫 - 不能說的秘密

我短短的十天假期~ - 一

Ah... 終於... 終於... 可以停落黎喇。
可以靜落黎反省、重組、休息、寫blog。

很感謝主呢三年來不斷既帶領、保守、和供應! 呢三年來，由讀書、到畢業、到教音樂、到搵工、到轉工、到現在在XX琴行返工，都不斷為到家裏既財政去計劃、憂慮、擔心。 真的非常感謝主讓我的媽媽和妹妹都終於搵到穩定的工作，有穩定既收入，讓我今天能夠終於可以停落黎，暫時唔需要為到我的家庭在財政方面擔憂，放我向公司請了的十天假期!! 真的可以好安靜、好安樂地、無憂無慮地、過十天給自己享用的時間!!!

新的一年，終於有時間，有十天去讓自己再一次重整、重新定位。最重要既，就係要在這十日裏再一次重新定好個中心在神裡面，好讓我每一天都能夠貼緊祂，能夠充滿力量地過我每一天的生活和這十天後將要面對的生活和當中會面對的困難和挑戰!

當我每一天的中心都定了位，其餘的時間就會係我在音樂上面既進步和自己的成長! 其中包括睇書、聽歌、作曲、練貝斯 (Bass; 低音電結他)、Ear Training 、彈琴、等等!

所以，黎緊呢十日一定會好精彩、好多收獲!